સમર કેમ્પ એ બાળકો અને કિશોરો માટે તેમના ઉનાળાના વેકેશનની રજાઓ દરમિયાન ખાસ રચાયેલ પ્રોગ્રામ છે. સમર કેમ્પ બાળકોને આત્મવિશ્વાસ, સ્વતંત્રતા, સામાજિક કૌશલ્ય, નેતૃત્વ કૌશલ્ય અને શારીરિક તંદુરસ્તી વિકસાવવામાં સક્ષમ બનાવે છે. જેથી ગુજરાત સરકારના વિજ્ઞાન અને પ્રોદ્યોગિકી વિભાગના નેજા હેઠળ કાર્યરત ગુજકોસ્ટ દ્વારા સ્થાપિત રિજીયોનલ સાયન્સ સેન્ટર પાટણ ખાતે ધોરણ ૮ અને ૯ના વિદ્યાર્થીઓ માટે ત્રણ દિવસીય રેસીડેન્સીયલ સમર સાયન્સ કેમ્પ-3 નું આયોજન તારીખ 30 મે થી 1લી જૂન વચ્ચે કરવામાં આવશે. આ સમર કેમ્પમાં ભાગ લેનાર વિદ્યાર્થીઓને આ લિન્ક https://forms.gle/eU5kHt73VkfK57px9 પર તેની માહિતી નોંધવાની રહેશે અને મેરીટના આધારે વિદ્યાર્થીઓની પસંદગી કરવામાં આવશે.
રેસીડેન્સીયલ સમર સાયન્સ કેમ્પમાં વિધ્યાર્થીઓ ને ત્રણ દિવસ રહેવાનુ અને જમવાનું આયોજન સાયન્સ સેન્ટર દ્વારા કરવામાં આવશે. ત્યારબાદ, દરરોજ સવારે યોગ, નેચર વોક સાથે વિવિધ વર્કશોપ જેમાં ફન વિથ ફિસ્જિક્સ, ઇલેક્ટ્રોનિક્સ, કલર ઓફ કેમેસ્ટ્રી, મેથ્સ મેજીક, હાઇડ્રોપોનિક્સ, સાયંટિફિક રાઇટિંગ સ્કિલ, માટીના સાયંટિફિક રમકડાં બનાવતા અને સ્કાઇ ગેજિંગ, વિવિધ ઇન્ડોર (બિંગો અને સંગીત ખુરશી) અને આઉટડોર (ક્રિકેટ) રમતો સાથે જુદી-જુદી સાયન્સ આધારિત પ્રવુતિઓ નું આયોજન કરવામાં આવશે. સમર સાયન્સ કેમ્પ-3 વિશે વધારે જાણકારી માટે ૮૩૪૭૧૨૪૨૧૪ ઉપર સંપર્ક કરવાનો રહેશે.
