જિલ્લા સહિત ગોધરા શહેરના મુખ્ય માર્ગો પર રખડતા ઢોરોનો ભારે ત્રાસ વાહન ચાલકો માટે માથાનો દુ:ખાવા સમાન બન્યા.!!
ગોધરા શહેરમાં ૨૪ કલાક ધમધમતા હાઇવે માર્ગ જેવા કે લાલબાગ બસ સ્ટેન્ડ, બામરોલી રોડ, દાહોદ રોડ, ભૂરાવવા ચાર રસ્તા, લુણાવાડા, અમદાવાદ, વડોદરા રોડના મુખ્ય માર્ગ ઉપર રખડતા ઢોરોના ત્રાસ ખૂબ જ વધ્યો છે. જેના કારણે સ્થાનિક રહીશોને અવરજવર કરતા રાહદારી અને વાહન ચાલકોને રખડતા ઢોરોના અઠિંગો ભારે માથાનો દુખાવો સમાન બની ગયો છે. ગોધરા શહેરમાં જાહેર માર્ગ ઉપર તાલુકા પોલીસ સ્ટેશનની સામે જ આવેલા રેલિંગ અને ગાંધી ચોક ટ્રાફિક પોલીસના પોઇન્ટને અડીને આખલા બળદ સહિત અન્ય ઢોરના જમાવડો જોવા મળી રહ્યો છે જેના કારણે ટ્રાફિક જામની પરિસ્થિતિ ઉભી થવા પામી છે, તો બીજી તરફ વાહન ચાલકોને અડફેટે લઈ અકસ્માતના બનાવો પણ બને છે તે પરિસ્થિતિને નકારી શકાય તેમ નથી વધુમાં અહીં એસટી બસ સ્ટેન્ડ આવેલું હોવાથી મુસાફરની અવર જવર વધારે રહે છે.
ગોધરા શહેરના મધ્યસ્થમાં વચ્ચોવચ આવતા વિસ્તારોમાં ઢોરોનો અઠિંગો જમાવીને બેસી રહેતું હોય છે તો આ વિસ્તારમાં ટ્રાફિક ભરચક હોવાને કારણે ઘણીવાર અકસ્માતો ની સમસ્યા પણ નકારી શકાય તેમ નથી. ત્યારે ગાંધી ચોક પાસે વડોદરા હાઈવે રોડ પી.ડી.સી. બેંકની સામે જાહેર હાઇવે માર્ગ ઉપર અલમસ્ત અવસ્થામાં ફરતા ઢોરોનું ટોળું જોઈને વાહન ચાલકોએ પોતાના વાહનને બ્રેક મારવાની ફરજ પડી રહી છે, ગોધરા શહેરમાં ભૂતકાળમાં પણ ગાય થી બે થી ત્રણ વ્યક્તિઓને શિંગડા ભરાવી હુમલો કરતા મોત નિપજયાના બનાવો બન્યા છે, ત્યારે ગોધરા નગર પાલિકા શું હજી આવા ગંભીર હોનારતોની રાહ જોઈ રહી છે.? આવા ઢોરોને ક્યારેય પકડીને પૂરશે??? અને તેમના માલિકો વિરુદ્ધ ક્યારે કાર્યવાહી કરવામાં આવશે તેવી લોકમાંગ ઉઠવા પામી છે.
ગોધરા શહેરમાં જ નહીં પરંતુ ગુજરાતના મોટાભાગના શહેરો અને ગ્રામ્ય વિસ્તારોમાં રખડતા ઢોરોનો ત્રાસ વધી રહ્યો છે, ત્યારે આ મામલે ગુજરાત હાઇકોર્ટ સરકારને રખડતા ઢોરના મામલે ટકોર કરી છે, કારણ કે રખડતા ઢોર નાં લીધે કેટલાય લોકોએ જીવ ગુમાવ્યા છે, ગોધરા શહેરમાં પણ આવી ઘટના બની છે,સાથે જિલ્લામાં અન્ય તાલુકાઓ જેવા કે કાલોલ, હાલોલ, શહેરા, મોરવા હડફ માં પણ આ રીતે રખડતા ઢોરોના ત્રાસથી સામાન્ય જનતા પરેશાન જોવા મળી રહી છે, ત્યારે હવે દેખવાનું રહ્યું કે આ મામલે સ્થાનિક તંત્ર શું પગલાં લે છે.?
@mohsin dal, godhra
